२४ जुलै : राष्ट्रीय आयकर दिन
- भारतात दरवर्षी २४ जुलै हा आयकर दिवस (Income Tax Day) म्हणून साजरा केला जातो.
- हा दिवस साजरा करण्यास २०१० पासून सुरुवात करण्यात आली.
- २०१० मध्ये इन्कम टॅक्सला दीडशे वर्षे पूर्ण झाल्याच्या निमित्ताने हा दिवस साजरा करण्यास सुरुवात झाली. आयकर भरण्याचे महत्त्व आणि याबाबत जनतेमध्ये जागृती निर्माण व्हावी यासाठी हा दिवस साजरा केला जातो.
- भारतामध्ये इन्कम टॅक्सची सुरुवात २४ जुलै १८६० मध्ये सर जेम्स विल्सन यांनी केली.
आयकर म्हणजे काय?
- उत्पन्नावर आकारला जाणारा कर म्हणजे आयकर.
- भारतीय राज्यघटनेतील सातव्या परिशिष्टातील केंद्र सूचीतील विषय क्रमांक ८२ नुसार कृषी उत्पन्न वगळता इतर उत्पन्नावर केंद्र आयकर आकारते.
- केंद्र सरकार आकारत असलेल्या आयकरासाठी सध्या आयकर कायदा १९६१ लागू आहे.
- आयकर हा प्रत्यक्ष कराचा प्रकार आहे. जेव्हा कराघात आणि कर भरण्याची जबाबदारी एकाच व्यक्तीवर पडते तेव्हा त्याला प्रत्यक्ष कर म्हणतात.