साहित्यसाधक मधू मंगेश कर्णिक यांना कुसुमाग्रज प्रतिष्ठानचा जनस्थान पुरस्कार

ज्येष्ठ साहित्यिक आणि कुसुमाग्रज प्रतिष्ठानचे माजी अध्यक्ष मधू मंगेश कर्णिक यांना यंदाचा प्रतिष्ठेचा ‘जनस्थान’ जाहीर करण्यात आला आहे.
यंदा पहिल्यांदाच कुसुमाग्रजांच्या स्मृतीदिनी १० मार्चला या पुरस्काराचे वितरण केले जाणार आहे.
यापूर्वी दरवर्षी हा सन्मान कुसुमाग्रजांच्या जयंतीला २७ फेब्रुवारीला प्रदान केला जात असे.

कुसुमाग्रज प्रतिष्ठान

स्थापना : २६ मार्च १९९०
कविश्रेष्ठ कुसुमाग्रज यांना ज्ञानपीठ पुरस्काराने सन्मानित केल्यानंतर त्यांना अभिप्रेत असलेले सामाजिक सांस्कृतिक प्रकल्प उभे करणे, प्रोत्साहन देणे या प्रेरणेतून स्थापना
दर वर्षाआड ‘जनस्थान पुरस्कार’ आणि ‘गोदावरी गौरव’ या सन्मानांचे वितरण ही संस्था करते.

जनस्थान पुरस्कार :

अ) एक लाख रोख रुपये

ब) ब्रांझची सूर्यमूर्ती

क) सन्मानपत्र

आजतागायत जनस्थान पुरस्कार प्राप्त साहित्यिक

१९९१ – विजय तेंडुलकर

१९९३ – विंदा करंदीकर

१९९५ – इंदिरा संत

१९९७ – गंगाधर गाडगीळ

१९९९ – व्यंकटेश माडगूळकर

२००१ – श्री. ना. पेंडसे

२००३ – मंगेश पाडगावकर

२००५ – नारायण सुर्वे

२००७ – बाबूराव बागुल

२००९ – ना. धों. महानोर

२०११ – महेश एलकुंचवार

२०१३ – भालचंद्र नेमाडे

२०१५ – अरुण साधू

२०१७ – डॉ. विजया राजाध्यक्ष

२०१९ – वसंत आबाजी मोडक

२०२१ – मधू मंगेश कर्णिक

गोदावरी गौरव – साहित्येतर क्षेत्रांसाठी (ज्ञान – विज्ञान, क्रीडा-साहस, चित्र-शिल्प, नृत्य-संगीत, नाट्यचित्र, जनसेवा)

स्वरूप – रुपये २१ हजार प्रत्येकी व मानचिन्ह

- १९९० – ६४ व्या अखिल भारतीय मराठी साहित्य संमेलनाचे अध्यक्ष
- २०१० – ग. दि. माडगूळकर प्रतिष्ठानचा गदिमा पुरस्कार
- २०१६ – दमाणी पुरस्कार
- २०१८ – विंदा. करंदीकर जीवनगौरव पुरस्कार लाभसेटवार पुरस्कार
- २००२ – पद्‌मश्री

- कुसुमाग्रज प्रतिष्ठानचे माजी अध्यक्ष
- महाराष्ट्र राज्य साहित्य संस्कृती मंडळाचे अध्यक्ष
- कोकण कला अकादमी, नाथ पै वनराई ट्रस्टचे संस्थापक
- कोकण मराठी साहित्य, परिषदेच्या स्थापनेत सिंहाचा वाटा