जगातील पहिला व्यावसायिक री-प्रोग्रॅम करण्याजोगा उपग्रह
- युरोपियन अंतराळ संस्थेने ( ESA ) 31 जुलै रोजी त्यांच्या फ्रेंच गयाना येथील प्रक्षेपण तळावरून Ariane-5 या प्रक्षेपक वाहनाच्या सहाय्याने Eutelsat Quantum हा जगातील पहिला व्यवसायिक रीप्रोग्रॅम करता येणारा उपग्रह प्रक्षेपित केला.
- या उपग्रहामुळे संबंधित उपग्रह अवकाशीय कक्षेमध्ये प्रक्षेपित केल्यानंतर सुद्धा आपल्या गरजांनुसार त्याच्या कार्यामध्ये बदल करण्याचा आदेश देता येईल.
- यासाठी या उपग्रहामध्ये विशिष्ट प्रकारचे सॉफ्टवेअर बसविण्यात आले आहे.
- उपग्रहाचा जीवनकाल 15 वर्षे असेल.
- पश्चिम आफ्रिका ते आशिया एवढा विस्तृत प्रदेश या उपग्रहाच्या निरीक्षणाखाली असेल.
- वेळेनुसार बदलत्या गरजांना पूर्ण करणारा हा उपग्रह आहे.
- 3.5 टन वजन असणाऱ्या या उपग्रहामध्ये एकूण आठ कम्युनिकेशन बीम्स आहेत.
- यामुळे हा उपग्रह त्याची संप्रेषण फ्रिक्वेन्सी गरजेनुसार बदलू शकतो. ज्याने मोबाईल कवरेज, विमानांना दिशादर्शक तसेच पाण्यामधील जहाजांना सुद्धा दिशादर्शन करता येणार आहे.
- तसेच आपत्तीचे व्यवस्थापन करणे सुकर होणार आहे.
- यातील अत्याधुनिक तंत्रज्ञानामुळे सायबर हल्ला करणाऱ्या सिग्नलचा सुद्धा शोध घेणे शक्य होणार आहे.
- ESA ही जगातील प्रमुख अंतराळ संस्थांपैकी एक असून तिचे मुख्यालय पॅरिस ( फ्रान्स) येथे आहे.
- भारतातील बरेच जड संप्रेषण उपग्रह (INSAT आणि GSAT) ज्यांना भारतातून प्रक्षेपित करणे शक्य नसते अशा उपग्रहांचे प्रक्षेपण ESA च्या Ariane-5 या प्रक्षेपण वाहनाद्वारे दक्षिण अमेरिकेतील फ्रेंच गयाना येथील kourou या प्रक्षेपण तळावरून केले जाते.