केन कॅटरमोल
- जन्म: १९२२
- निधन: जुलै २०२१
- प्रा. केन यांच्यामुळे ॲनालॉग संदेशाचे डिजिटल संदेशात रूपांतर करणे शक्य झाले.
- ते सफोक येथील युनिव्हर्सिटी इसेक्स या संस्थेत प्राध्यापक म्हणून कार्यरत होते; येथे ते संशोधन विभागात संशोधन अध्यापन करत होते.
- १९६९ मध्ये त्यांनी प्रिन्सिपल्स ऑफ कोड मोड्यूलेशन हे पुस्तक लिहिले.
- आज घड्याळे, मोबाईल यांसारख्या डिजिटल वस्तू आपण वापरत आहोत ते केन यांनी विकसित केलेल्या पल्स कोड मोड्यूलेशन या ॲनालॉग संदेशांचे डिजिटल संदेशात रूपांतर करण्याच्या पद्धतीमुळेच.
- या पद्धतीमुळे माहिती साठवणे किंवा पाठवणे अधिक सहज शक्य झाले.
- प्रत्यक्षात मोबाईल फोन निर्मितीचे श्रेय मार्टिन कूपर (१९७१) किंवा ‘एसएमएस’ लघुसंदेशाचे जनक नील पॅपवर्थ (१९९२) यांना मानले जात असले, तरीही या साऱ्याचा सैद्धांतिक पाया केन यांच्या कार्यामुळे रचला गेला.
- केन यांनी रॉयल इलेक्ट्रिकल ॲण्ड मेकॅनिकल इंजिनिअर्स या संस्थेत काम केले व नंतर संशोधन व दूरसंदेशवहन उद्योगात कार्यरत होते.
- सरकारला अनेक वर्षे संदेशवहन धोरणाबाबत सल्ला देण्याचे कामही त्यांनी केले.
- १९९० मध्ये ते निवृत्त झाले.
- त्यांना पियानो वाजविण्यास त्याचबरोबर बागकामाची आवड होती.
- १९९६ मध्ये त्यांना इन्स्टिट्यूशन ऑफ इंजिनीअर्समार्फत जे. जे. थॉमसन पदक देऊन गौरविण्यात आले.
- त्याचबरोबर इसेक्स विद्यापीठातील एका विभागाला त्यांचे नाव देण्यात आले आहे.