पश्चिम घाटात 8 नवी संरक्षित वने
- राज्यातील पर्यावरण संवर्धनासाठी वनांची जोपासना करण्याच्या दृष्टीने संवेदनशील अशा पश्चिम घाटातील 8 तर विदर्भातील 2 अशा 10 नव्या संवर्धन राखीव क्षेत्रांना मान्यता देण्याचा ऐतिहासिक निर्णय राज्य वन्य जीव मंडळाच्या बैठकीत घेण्यात आला.
- याचबरोबर चंद्रपूर जिल्ह्यातील कन्हाळगाव हे राज्यातील 50वे अभयारण्य घोषित करण्यात आले आहे.
- त्याचे एकूण क्षेत्र 269 चौरस किलोमीटर आहे.
- आधीचे सहा आणि नवीन घोषित झालेले तिलारी असे मिळून राज्यात सध्या 7 संवर्धन राखीव क्षेत्रे आहेत.
- त्यात कोल्हापूर जिल्ह्यातील 5, सिंधुदुर्ग जिल्ह्यातील 1, सातारा जिल्ह्यातील 2 तर विदर्भातील 2 अशा आणखी 10 नवीन संवर्धन राखीव क्षेत्रांची भर पडली आहे.
या आधीचे निर्णय –
- या बैठकीच्या आधीच्या संवर्धन क्षेत्रांत महत्त्वाची कामे करण्यासाठी 20 कोटी रुपयांचा निधी द्यावा या वन विभागाच्या मागणीवर प्रस्ताव पाठवण्याचे निर्देश मुख्यमंत्र्यांनी दिले.
- वनमंत्री संजय राठोड, पर्यावरणमंत्री आदित्य ठाकरे यांची या बैठकीस उपस्थिती होती.
सूचना काय?
- वाघाप्रमाणे बिबट्या आणि मानव संघर्ष कमी करण्यासाठी उपाययोजना सुचवण्यासाठी तज्ञांची समिती स्थापन करण्याचे मुख्यमंत्र्यांचे निर्देश.
- अवनी वाघिणीच्या पिल्लाची संपूर्ण वाढ झाली असेन या पिल्लाला पेंच येथील नैसर्गिक अधिवासात सोडण्यास मान्यता.
- नवीन डान्झिट ट्रीटमेंट सेंटर सुरू करण्यासाठी नाशिक पुणे येथून प्रस्ताव प्राप्त, जुन्या डान्झिट सेंटरला निधी देऊन सक्षम करण्याचा निर्णय.
- चंद्रपूर जिल्ह्यातील वाघ इतरत्र स्थलांतरित करण्यासाठी नियुक्‍त समितीचा अहवाल लवकरच शासनास सादर होईल.
- चांदा ते बांदापर्यंत जे महाराष्ट्राचे वनवैभव आहे. त्याचे विविध ऋतूतील वैशिष्ट्य टिपण्यास वन रक्षकांना सांगावे, त्याचा दर्जा उत्तम राखावा यावरून राज्यासाठी आपण एक चांगली फिल्म तयार करू.
- महेंद्रीला संवर्धन राखीव घोषित करताना भविष्यात त्याचे अभयारण्यात रूपांतर करण्यापूर्वी लोकांना विश्वासात घेऊन, गावकऱ्यांशी चर्चा करून पुनर्वसनाचा कालबद्ध कार्यक्रम तयार करण्याची मुख्यमंत्र्यांची सूचना.
नवी भर-
- आंबोली दोडा मार्ग संवर्धन राखीव क्षेत्र (सिंधुदुर्ग)
- चंदगड संवर्धन राखीव क्षेत्र (कोल्हापूर)
- आजरा-भुदरगड संवर्धन राखीव क्षेत्र (कोल्हापूर)
- गगनबावडा संवर्धन राखीव क्षेत्र (कोल्हापूर)
- पन्हाळगड संवर्धन राखीव क्षेत्र (कोल्हापूर)
- विशाळगड संवर्धन राखीव क्षेत्र (कोल्हापूर)
- जोर जांभळी संवर्धन राखीव क्षेत्र (सातारा)
- मायणी संवर्धन राखीव क्षेत्र (सातारा)
- महेंद्री संवर्धन राखीव क्षेत्र (अमरावती)
- मुनिया संवर्धन राखीव क्षेत्र (अमरावती)