2020-21 या आर्थिक वर्षात जीडीपीमध्ये 7.3 टक्क्यांनी घट
- कोरोना महामारीचा पहिल्या लाटेचा फटका भारतीय अर्थव्यवस्थेला बसल्याने अर्थव्यवस्थेने गेल्या 40 वर्षांतील निराशाजनक कामगिरी केली आहे.
- 2020-21 या आर्थिक वर्षात देशांतर्गत एकूण उत्पादनात उणे (-) 7.3 टक्क्यांनी घट झाली.
- चाळीस वर्षांपूर्वी 1979-80 या वर्षात विकास दर उणे (-) 5.3 टक्के घसरण झाली होती.
- 2019-20 या आर्थिक वर्षात 4 टक्क्यांनी वाढ झाली होती.
- कडक लॉकडाऊनमुळे पहिल्या टप्पयातच म्हणजे एप्रिल ते जून 2020 दरम्यान विकास दर थेट उणे 24.4 टक्के नोंदला गेला होता.
- तिसऱ्या तिमाहीत त्याने 16 टक्क्यांच्या रूपात थोडी उभारी घेतली होती.
- राष्ट्रीय सांख्यिकी कार्यालयाच्या मते 2020-21 या आर्थिक वर्षातील उणे विकास 8 टक्के तर रिझर्व्ह बँकेच्या उणे 7.5 टक्के अंदाजानजीक आहे.
- राष्ट्रीय सांख्यिकीय कार्यालयाने जाहीर केलेल्या आकडेवारीनुसार भारताचा रिअल जीडीपी मार्च 2020 अखेरच्या 145 कोटींवरून 2021 मध्ये 135 लाख कोटींपर्यंत कमी झाला.
- कोविडच्या रुग्णसंख्येत वाढ झाल्याने ग्राहकांच्या मागणीत प्रचंड घसरण झाल्याने बेरोजगारीचा दर 14.73 टक्क्यांसाठीच्या उच्चांकापर्यंत पोचत असल्याने सरकारसमोर मोठी आव्हाने आहेत.
- देशाच्या अर्थव्यवस्थेत ग्राहकांच्या मागणीचा तब्बल 55 टक्के हिस्सा आहे. त्यात मोठी घसरण झाल्याने ही घसरण भारतीय अर्थव्यवस्थेसमोर विपरित परिणाम करणारी असेल.
| अ.क्र. | वर्ष | जीडीपीचा दर |
| 1 | 2012-13 | 5.5% |
| 2 | 2013-14 | 6.4% |
| 3 | 2014-15 | 7.4% |
| 4 | 2015-16 | 8.0% |
| 5 | 2016-17 | 8.3% |
| 6 | 2017-18 | 6.8% |
| 7 | 2018-19 | 6.5% |
| 8 | 2019-20 | 4.0% |
| 9 | 2020-21 | (-) 7.3%
(चार दशकात झालेली पहिलीच उणे घसरण आहे.) |