सर्वाधिक गोलच्या स्पर्धेत मेस्सीपेक्षा छेत्री सरस
-
- भारताचा खेळाडू सुनील छेत्रीने सर्वाधिक आंतरराष्ट्रीय गोलच्या स्पर्धेत फुटबॉलचा स्टार लिओनेल मेस्सीला मागे टाकले आहे.
- सध्या खेळत असलेल्या खेळाडूतील गोलच्या क्रमवारीत छेत्री आता ख्रिस्तियानो रोनाल्डोपाठोपाठ दुसऱ्या क्रमांकावर आहे. छेत्रीला सार्वकालिक सर्वाधिक आंतराराष्ट्रीय गोल केलेल्या खेळाडूंच्या टॉप टेन क्रमवारीत स्थान मिळवण्यासाठी एक गोल हवा आहे.
- विश्वकरंडक पात्रता स्पर्धेतील बांगलादेशविरुद्धच्या लढतीत छेत्रीच्या दोन गोल्समुळे भारताने २-० अशी बाजी मारली.
- छेत्रीचे आता एकंदर ७४ गोल्स झाले आहेत, तर मेस्सीचे आंतरराष्ट्रीय गोल्स ७२ आहेत. रोनाल्डो १०३ गोल्ससह अव्वल स्थानावर आहे.
- छेत्रीने या क्रमवारीत स्थान मिळवताना मेस्सीला दोन गोल्सनी; तर अमिरातीच्या अली माबखौत याला एका गोलने मागे टाकले आहे.
- मेस्सीने त्याचा ७२वा आंतरराष्ट्रीय गोल चिलीविरुद्धच्या विश्वकरंडक पात्रता लढतीत केला होता; तर माबखौतने त्याचा अखेरचा गोल मलेशियाविरुद्ध केला होता.
सर्वाधिक गोल असणाऱ्या खेळाडूंची क्रमवारी
| नाव | देश | गोल |
| रोनाल्डो | पोर्तुगाल | १०३ |
| सुनील छेत्री | भारत | ७४ |
| अली माबखौत | अमिराती | ७३ |
| लिओनेल मेस्सी | अर्जेंटिना | ७२ |
| रॉबर्ट-लेवांदोवस्की | पोलंड | ६६ |