रेल्वे कौशल्य विकास योजना
‘आझादी का अमृत महोत्सव’ या उपक्रमाचा भाग म्हणून भारतीय रेल्वेने ‘रेल्वे कौशल्य विकास योजना’ आखली आहे.
प्रधानमंत्री कौशल्य विकास योजनेअंतर्गत हा प्रशिक्षण कार्यक्रम राबविला जाणार आहे.
- उद्योग कौशल्यांमध्ये तरुणांना सक्षम बनविणे व त्यांना रोजगार उपलब्ध करून देणे हा या योजनेचा उद्देश आहे.
योजनेची वैशिष्ट्ये
- योजनेअंतर्गत तरुणांना रेल्वे प्रशिक्षण संस्थांमध्ये उद्योगाशी संबंधित कौशल्यांचे प्रशिक्षण दिले जाईल.
- त्यासाठी रेल्वेच्या १७ झोन्समधील ७५ प्रशिक्षण केंद्रे आणि ७ उत्पादन युनिटची निवड करण्यात आली आहे.
- सुरुवातीला एक हजार उमेदवारांना तर ३ वर्षांत ५०,००० तरुणांना सुमारे १०० तासांचे प्रशिक्षण दिले जाणार आहे.
- दहावी उत्तीर्ण आणि १८ ते ३५ वर्षे वयोगटातील उमेदवार या योजनेचा लाभ घेण्यास पात्र असतील.
- निवडलेल्या उमेदवारांना इलेक्ट्रिशियन, वेल्डर, मशिनरी आणि फिटर या चार ट्रेडमध्ये विना-शुल्क प्रशिक्षण देण्यात येईल.
- तसेच प्रादेशिक मागण्या आणि गरजांना ओळखून या कार्यक्रमांतर्गत इतरही ट्रेड्‌सचा समावेश केला जाईल.
- बनारस लोकोमोटिव्ह वर्क्सने या योजनेचा अभ्यासक्रम विकसित केला आहे.
- प्रशिक्षण कार्यक्रमाच्या शेवटी प्रशिक्षणार्थींना नॅशनल इन्स्टिट्यूट ऑफ रेल आणि ट्रान्सपोर्टद्वारे दिलेल्या ट्रेडमधील प्रमाणपत्र दिले जाईल.
- उमेदवारांना त्यांच्या व्यवसायासाठी टूलकिटदेखील पुरविले जातील.
- या प्रशिक्षणाच्या आधारावर योजनेत सहभागी होणाऱ्यास भारतीय रेल्वेमध्ये नोकरी मिळण्याचा दावा याअंतर्गत करण्यात आलेला नाही.