फ्रान्सकडून ४० मेट्रिक टन प्राणवायूचा पुरवठा
- ‘समुद्रसेतू २’ मोहिमेअंतर्गत नौदलाच्या ‘आयएनएस त्रिकंड’ या जहाजावरून ४० मेट्रिक टन द्रवरूप प्राणवायू मुंबई बंदरात दाखल झाला.
- कतारच्या हमाद बंदरावरून भारतीय नौदलाच्या त्रिकंड जहाजाने द्रवरूप वैद्यकीय प्राणवायूने भरलेले क्रायोजेनिक कंटेनर्स वाहून आणले.
- फ्रान्सकडून ‘ऑक्सिजन सॉलिडॅरिटी ब्रिज’ या मोहिमेंतर्गत भारताला प्राणवायूची मदत करण्यात आली आहे.
- कोरोनाच्या गंभीर रुग्णांची संख्या वाढल्याने उपचारांकरिता देशात वैद्यकीय प्राणवायूचा तुटवडा जाणवत आहे.
- प्राणवायूची गरज लक्षात घेऊन जगभरातून भारताला मदतीचा हात पुढे करण्यात आला आहे.
- फ्रान्सने कतारमार्गे द्रवरूप प्राणवायूची पहिली खेप भारताला पाठविली आहे.
- भारतीय नौदलाचे त्रिकंड हे जहाज ५ मे रोजी कतारमधील हमाद बंदरात पोहोचले होते.
- आयएनएस त्रिकंड जहाजावरून आलेला प्राणवायूचा साठा राज्य सरकारकडे सुपूर्द करण्यात आला.
- दरम्यान, भारताचे कतारमधील राजदूत डॉ. दीपक मित्तल यांच्या पुढाकाराने सुरू झालेल्या भारत फ्रान्स उपक्रमाद्वारे, येत्या दोन महिन्यांत फ्रान्सकडून आणखी ६०० मेट्रिक टनाहून अधिक प्राणवायू भारताला पुरविला जाणार आहे.