इंडोनेशियाच्या अपघातग्रस्त विमानाचा ब्लॅक बॉक्स सापडला
- इंडोनेशियाची राजधानी जकार्ता येथून उड्डाण करणारे श्रीविजया एअरचे विमान समुद्रात कोसळले होते.
- या विमानात १२ क्रू सदस्यांसह एकूण ६२ प्रवासी होते, यात बहुतेक कर्मचारी व प्रवाशांचा मृत्यू झाला आहे.
- फ्लाइट रडार २४ ने हे विमान एका मिनिटात १० हजार फूट खाली आल्याचे ट्रॅक केले होते.
- लकांग व लाकी बेटांच्या दरम्यान काम करणाऱ्या स्थानिक मच्छिमारांनी हे विमान कोसळताना पाहिले होते.
- श्रीविजया एअर फ्लाइट १८२ हे विमान नौदलातील ‘सोनार (SONAR) यंत्राच्या मदतीने शोधण्यात यश आले.
- इंडोनेशियाच्या पाणबुड्यांना या विमानाच्या सांगाड्याचे भाग जावाच्या सागरात २३ मीटर म्हणजे अंदाजे ७५ फूट खोलीवर सापडले.
- या पाणबुड्याच्या पथकालाच अपघातग्रस्त विमानातील ब्लॅक बॉक्स सापडला आहे.
- ब्लॅक बॉक्स सापडल्याने बोइंग ७३७ – ५०० या विमानाच्या अपघाताचे कारण शोधण्यास मदत होणार आहे.
- त्यात विमानाची कागदपत्रे आहेत, की ते कॉकपिट व्हॉइस रेकॉर्डर आहे, याबाबत तपास सुरू आहे.
श्रीविजया एअर फ्‍लाईट – १८२
- विमानाच्या रजिस्ट्रेशन नंबरनुसार २६ वर्षे जुने विमान
- बोइंग ७३७ – ५०० या साखळीतील
- याआधी अमेरिकेतील हवाई कंपन्यांनी वापरले होते.
- श्रीविजया एअर इंडोनेशियातील एक स्थानिक बजेट एअरलाइन्स असून इंडोनेशिया आणि अन्य दक्षिण-पूर्व आशियाई भागातील प्रवासासाठी सेवा देते.
- शेवटचा उड्डाण मार्ग – जकार्ता ते पॉन्टियानक