बसवराज बोम्मई : कर्नाटकचे नवे मुख्यमंत्री
- कर्नाटकचे २३वे मुख्यमंत्री म्हणून बोम्मई यांची नुकतीच निवड करण्यात आली आहे.
- कर्नाटकचे राज्यपाल थावरचंद गेहलोत यांनी बसवराज बोम्मई यांना पदाची व गोपनीयतेची शपथ दिली.
- माजी मुख्यमंत्री दिवंगत एस. आर. बोम्मई यांचे ते पुत्र आहेत.
- कर्नाटकात एच. डी. देवगौडा आणि एच. डी. कुमारस्वामी यांच्यानंतर पिता-पुत्र जोडीने मुख्यमंत्रीपद सांभाळण्याची ही दुसरी वेळ आहे.
- बी. एस. येदियुरप्पा यांच्या जागी त्यांच्याच मंत्रिमंडळातील गृहमंत्री आणि सरकारमधील क्रमांक दोनचे मंत्री बोम्मई हे मुख्यमंत्री झाले.
कारकीर्द :
अ) शिक्षण : मेकॅनिकल इंजिनीअरिंग
ब) राजकीय कारकीर्द :
१) १९९८ आणि २००४ : धारवाड स्थानिक प्राधिकरण मतदारसंघातून कर्नाटक विधानपरिषद सदस्य म्हणून दोनवेळा निवड
२) २००८ : जनता दलातून भाजपमध्ये प्रवेश
३) २००८ ते २०१३ : हावेरी जिल्ह्यातील शिगाव मतदारसंघातून कर्नाटक विधानसभेवर निवड यादरम्यान मुख्यमंत्री बी. एस. येदियुरप्पा, सदानंद गौडा, जगदीश शेट्‌टर यांच्या नेतृत्वाखाली जलसंपदा मंत्री म्हणून काम
४) २०१९ : सहकारमंत्री, गृहमंत्री
५) २१ जानेवारी २०२१ ते २६ जुलै २०२१ : कायदा आणि न्यायमंत्री, संसदीय कामकाजमंत्री
क) मुख्यमंत्री म्हणून निवड झाल्यावर पहिल्याच दिवशी घेतलेले निर्णय:
-
- उच्च शिक्षणासाठी शिष्यवृत्तीची घोषणा
- राज्यातील विधवा, शारीरिकदृष्ट्या अपंग आणि ज्येष्ठ नागरिकांच्या निवृत्तीवेतनात वाढ
घटनात्मक तरतूद :
| कलम १६४ (१) | मुख्यमंत्र्यांची नियुक्ती राज्यपालाद्वारे आणि इतर मंत्र्यांची नियुक्ती राज्यपाल मुख्यमंत्र्यांच्या सल्ल्यानुसार केली जाईल. |
| कलम १६४ (२) | मंत्रिमंडळ सामूहिकरीत्या विधानसभेला जबाबदार असेल. |
| कलम १६४ (३) | मंत्र्यांची पद व गोपनीयतेची शपथ |
| कलम १६४ (४) | मंत्री सलग ६ महिन्यांत विधिमंडळ सदस्य न झाल्यास अपात्र |
| कलम १६४ (५) | विधिमंडळ कायद्यानुसार मंत्र्यांचे वेतन व भत्ते |