अनाथांचे आरक्षण धोरण
- अनाथ मुलांना शिक्षण व नोकरीत एक टक्का आरक्षण देण्याच्या धोरणात बदल करून आता तिन्ही वर्गातील अनाथांना शिक्षण आणि नोकरीत आरक्षण देण्यात येईल.
- अनाथांचे अ, ब, क अशा तीन प्रवर्गांत वर्गीकरण करण्यात आले आहे.
| अ वर्ग | ब वर्ग | क वर्ग |
| ज्यांचे आई-वडील, भाऊ-बहीण, नातेवाईक, गाव, तालुका, पत्ता याबाबत काहीही माहिती उपलब्ध नसलेल्या म्हणून अनाथ असलेल्या बालकांचा समावेश असेल. | मुलांचे आईवडील मयत आहेत तसेच ज्यांच्या कागदपत्रावर जातीचा उल्लेख नसेल किंवा असला तरीही तांत्रिक कारणामुळे जात प्रमाणपत्र काढणे शक्य नसेल अशा अनाथांचा समावेश | या वर्गात अशी मुले ज्यांची आई-वडील मुलांचे वय 18 वर्षे पूर्ण होण्यापूर्वी मयत आहेत. |
- अनाथ मुलांना खुल्या प्रवर्गातून देण्यात येणाऱ्या १ टक्का आरक्षणाऐवजी दिव्यांगांच्या धर्तीवर १ टक्का समांतर आरक्षण देण्यात येईल.
- अनाथ मुलांच्या माध्यमिक व उच्च माध्यमिक शैक्षणिक शुल्काची संपूर्ण प्रतिपूर्ती तसेच उच्च शिक्षणाच्या शैक्षणिक शुल्काची प्रतिपूर्ती महिला व बालविकास विभागाच्या बाल न्याय निधीमधून करण्यात येईल.
नोकरी करणाऱ्या महिलांसाठी वसतिगृह
- केंद्रपुरस्कृत नोकरी करणाऱ्या महिलांसाठी वसतिगृह योजनेत राज्य सरकारचाही सहभाग
- या योजनेच्या केंद्र शासनाच्या २२ नोव्हेंबर २०१७ रोजीच्या मार्गदर्शक सूचनांमध्ये बदल करण्यात आले आहेत.
- त्यानुसार नोकरी करणाऱ्या महिलांसाठी वसतिगृह बांधण्यासाठी/वसतिगृहाची इमारत भाडे तत्त्वावर उपलब्ध करून अनुदान देण्याची सुधारीत योजना राबविण्यात आली आहे.
- यापूर्वी ही योजना केंद्र आणि स्वंयसेवी संस्था यांच्या ७५:२५ सहभागातून राबविली जात होती.
- आता केंद्र:राज्य:स्वयंसेवी संस्था यांच्या हिश्श्याचे प्रमाण ६०:१५:२५ असे असेल.